هلا وغلا حبيابي
شلونكم شخباركم
شخبار الصوم وياكم
وشخبار المسلسلات
ادري تو الناس على تقييم المسلسلات تونا بأول أسبوع
بس حبيت نسولف عن المسلسلات اللي تابعتوها
والمسلسل اللي تحرصو على متابعته
والمسلسل اللي ما عجبكم او بالاحرى ما شدكم
ويا ليت تقيمو أفضل 5 مسلسلات من وجهة نظركم
بالنسبة ليي
المسلسل الأول
أم البنات
قصته حليوة
أكيد بيعجبنا لانه يخص البنات
وشكله في احداث وايد بتصير
بصراحة عندي هدا المركز الاول
المسلسل الثاني
الهدامة
احس هالمسلسل متعوب عليه
المخرج محمد الدحام مسويي هالمسلسل كأنه قديم
يايب أغراض قديمه عشان يحسسنا بلول
البيوت و السييايير حتى التلفون والكتب والجرايد
والتصوير والالوان صايرة كأنها مغبرة
بس بصراحة حليو هالمسلسل
المسلسل الثالث
الحب الكبير
عبد الحسين يفقع تعليقاته توَنس
حليو دوره صاير يد و اولاده وأحفاده حواليه
وحاجة حليوة في المسلسل ان معضم الممثليين بأساميهم الحقيقية
المسلسل الرابع
دمعة يتيم
بصراحة ما شفت مشاهد تشد في هالمسلسل
أعتذر لمعجبين حياة الفهد اللي ما يرضو عليها
بس هادي الحقيقة والوقع
احس دورها كأنها في مسلسل سليمان الطيب
على قولت أبو الفضل سليمان الطيب المطور >>>>> جوال مو مسلسل
مدام ما عندش قصة ولا موضوع تألفيه كان قعدتي في بيتكم احسن لش
ولا لازم تمثلي حتى لو مو على المستوى المطلوب
على العموم إن شاء الله تتغير الأحداث ويصير حليو مع اني ما أتوقع >>>> المكتوب ينقرا من عنوانه
طبعا مو لازم اتابعه هالمسلسل>>>>>> عادي
دولا الي اتابعهم والباقي ما أدري عنهم
يالله اللي تابع يقول لينا وين أحلى وأسوء مسلسل عنده
تحياتي وتقديري