[b][center]أنواع الشباب ..
يا بنيات الحقووووووووووووووووووووووووو..
..
الثياب ..كبت الثياب يشتكي من كثرها.. وما تشوفه الا بقميص واحد واتحداك يغيره.. ينام فيه ويقوم
فيه ويصلي فيه.. وما يخلي حد يغسله ( أخيج ) .. واذا يا يطلع للسوق اتشوفونه ساعه عند المنظرة
يعدل الغتره..
ولاصح (الكردي) الي صاير اليهم موضة السنه ولاعاد شباب صفوى الانيقين ماقدر عليهم ههههههه اسمحو لي شباب لاتزعلو..
اذا تبون تعرفون اذا الريال فوضوي والا مرتب..
هذي بسيطه.. شوفوا سيارته .. لووووول..
اتييك السيارة وصخة كلها غبار من يوم اشتراها ماغسلها.. لا ويقول هذي غبار الوكالة..
أمحق وكاله.. لاوكاله ولازفت الا متعايز يغسلها.. لا واذا شفتوها من الداخل.. مابتعرفون وين
تحطون ريولكم .. من هذي فروة تحت ريولكم واسلاك وقراطيس وحب وتيشو والاكواب لها سنه
بالسيارة.. وبلاوي كل وصاخة الدنيا داخل السيارة.. والا ريحة الدخان اللي تدوخ الراس( ما يحتاي بندول اذا راسكم عوركم )
بس الريال المرتب وهم قلة للأسف .. سيارته تبرق من النظافه تدخلها كأنك تدخل محل للعطور كلها
نظافة وترتيب..
الدلع ..
بنت تدلع معقوله.. بس ولد يتدلع هههه مصخرة..
تشوف راسه مابتعرفون هو راس بنت والا ولد .. تسريحات مادري من وين يييبونها.. اللي فالق راسه
من النص.. تقل ثور واللي مسويلي تسريحة بطل التيتانيك .. يطلع شكلة اتقول هندي.. مايدرون
ان بالغترة والاعقال أستر لهم والله .. وان وسامتهم وحلاوتهم بها الغترة والاعقال بس الله يستر ع بلاويهم ..
الشباب النصابيين..<<< حدث ولا حرج ..
هذيلا عاد يا كثرهم اييك الواحد يقول ..
يووه سيارتي ( الفراري ) اللي طالبنها .. من برع تأخرت والله.. مايت لين الحين اخاف ان عمارات
نييورك طاحت عليها ..وهو زين ان معاه كرمبع ..
ما شفتوا تلفونه يايبنه من دبي والله ....وهو شاريه من عند الهندي ..
ماتدرون اختاروني لاعب باالمنتخب.. بس اعتذرت ليهم لأني مصاب .. والدكتور يقول لاتلعب لمدة
ستة أشهر .. والمشكله تلاقيه مايعرف ولا يشوت الكورة ..
لا ويزيد النصب اذا كان الطرف الآخر بنت ..
العصبي..
وهذا مسوي عمرة شخصيه يدخل وهو ينافخ ويطلع واينافخ .. يدور المشاكل يحسب ان باسلوبه هذا
يخوف الناس.. مايدري ان النوعيه هذي يكون بداخله انسان ضعيف.. حتى من ولد الدياي يخاف ..
الغبي..
هذا كل من هب ودب يضحك عليه..
الاا في شي دايما يصير..
اييك ولد وهذي دايما تصير باالمدارس والأسواق.. اذا شاف البنت تلف وتدور اخوها أو ابوها.. وطاحت
عينها بعينه صدفة خلااااااااااااص حبتني ..
لا واذا حكمت الظروف واضطرت تسأل حد منهم سؤال.. دوره عاد يبدا ويهه ينقلب كل الألوان ..
واتصير حالته حاله على باله ان البنت ( ميته عليه ) ..خخخخ
المغرور ..
مادري بعضهم شايف نفسه.. ع شو يا حظي مادري..
وأغلب اللي جيه يحس باالنقص ومن زود احساسه بالنقص يحاول.. يرفع نفسه عن الناس وما يدري ان
من تواضع لله رفعه...
راعي الطرب..
وهذا ما يقعد بدون مسجل.. في حجرته الاستيريو مشتغل .. على أعلى صوت قمه ف الازعاج.. واذا طلع
بسيارته الله يعين المسجل.. لاومركب سماعات اضافيه.. علشان يطلع الصوت عدل .. و اذا وقف عند
الاشاير .. شوفو ملامح ويهه متشقق من الفرحة.. كأنه مسوي انجاز..
أبو راس يابس ..
هذا ماتقدر عليه.. يموت باالعناد اتييه باللين يشوف نفسه .. انك اتييه بالعين الحمراء..
كسر راسك وهذا ينفع معاه شي ...
شباب اتنمى انكم ماتزعلوو ..
تحياتي.